ឯកឧត្តម ឧត្តមសេនីយ៍ឯក ស ថេត ដឹកនាំកិច្ចប្រជុំ ស្តីពីការផ្សព្វផ្សាយផែនការយុទ្ធសាស្ត្រនគរបាលជាតិ ឆ្នាំ២០១៩-២០២៣
03-March-2020 | ដោយ ពលមនសិការ
ភ្នំពេញ៖ នៅព្រឹកថ្ងៃអង្គារ ទី០៣ ខែមីនា ឆ្នាំ២០២០ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជា ស្នងការនគរបាលរាជធានីភ្នំពេញ អញ្ជើញចូលរួមដឹកនាំកិច្ចប្រជុំ ស្តីពីការផ្សព្វផ្សាយផែនការយុទ្ធសាស្ត្រនគរបាលជាតិ ឆ្នាំ២០១៩-២០២៣ ដោយមានការចូលរួមពីលោក លោកស្រីស្នងការរង។ ក្នុងកិច្ចប្រជុំនេះផ្តោតសំខាន់ទៅលើការការពារស្ថិរភាព សន្តិសុខ សណ្តាប់ធ្នាប់ និងសុវត្ថិភាពសង្គម។
ក្នុងឱកាសនោះដែរឯកឧត្តមស្នងការបានផ្តល់មតិណែនាំល្អៗដល់អង្គប្រជុំ ដេីម្បីយកទៅរៀបចំផែនការតាមផែននីមួយៗ។
ជាកិច្ចបញ្ចប់ឯកឧត្តមស្នងការបានយកអនុសាសន៍ណែនាំរបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ដើម្បីណែនាំដល់ផែន ការិយាល័យ និងខណ្ឌទាំង១៤ ត្រូវផ្តោតសំខាន់លើការរៀបចំកម្លាំងអន្តរាគមន៍ត្រូវតែស្លៀកពាក់អោយបានស្អាត កាត់សក់ខ្លីជាប្រចាំ និងបំពាក់នូវបរិក្ខា សមរម្យ ជាពិសេសសមត្ថកិច្ចគ្រប់ផ្នែកនៅពេលចុះធ្វើចរាចរណ៍តាមដងផ្លូវ ក៏ដូចជាការរៀបចំសណ្តាប់ធ្នាប់ និងការសម្រួលចរាចរណ៍ជូនគណៈប្រតិភូជាតិ អន្តរជាតិ ត្រូវតែបង្ហាញអាកប្បកិរិយា និងពាក្យសំដីអោយបានសមរម្យ ជាមួយប្រជាពលរដ្ឋ។ បន្ថែមលើនេះទៀតឯកឧត្តមបានផ្តោតលើក្រុមអន្តរាគមន៍របស់ការិយាល័យចរាចរណ៍ផ្លូវគោកដោយត្រៀមជាប្រចាំដើម្បីចេញតាមគោលដៅក្នុងការជួយសម្រួលចរាចរណ៍ កាត់បន្ថយការកកស្ទះ ជាពិសេសចេញប្រតិបត្តិការណ៍ភ្លាមៗនៅពេលមានគ្រោះថ្នាក់ចរាចរណ៍ ឬក៏មានករណីបង្ករការគ្រោះថ្នាក់ហើយ បើករត់គេចខ្លួន ៕
ចំនួនអ្នកទស្សនា
- ថ្ងៃនេះ12191
- ម្សិលមិញ15191
- សប្តាហ៍នេះ55341
- ខែនេះ77221
- ឆ្នាំនេះ77221
- សរុប20519677